|
Antauparolo
“Impetan temperamenton vi havas,”
diris mi, silente palpinte pulson
al pacientino sesdekdujara.
“Ahx! kiel vi scias? Cxu pulso montras
ankaux temperamenton?”,
surprizite demandis sxia filo
apudstaranta.
“Kompreneble, ne nur temperamenton. Via patrino interne havas grandan
varmon kaj trinkas malvarman akvon ecx en tre akra vintro. Sxi havas denaske
malfortajn renojn kaj vezikon.”
“Neniu ja povas mildigi impetan temperamenton de mia patrino. Sxia
unu reno estis operaciita antaux dek jaroj, kaj sxi malbone dormas pro ofta
nokta urinado. Nun evidentigxas, ke sxi havas tiujn kiel denaskajn problemojn.”
Kiu apude auxdus tian interparolon kun paciento, tiu eble rigardus min ne
kiel kuraciston sanigantan homon, sed kiel studinton de telepatio aux
fiziognomiko, aux kiel homon traktantan malsanulon per ia mistera magiajxo. Sed
per pulspalpo de paciento gajni informojn pri liaj gxenerala karaktero kaj
fiziologia kaj patologia stato tute ne estas ia sorcxarto, nek tiel malfacilas
al studintoj de kompleksia medicino.
Estas pli surpriza fakto, ke la uzata de mi kompleksia akupunkturo bazita
sur kompleksia medicino elmontras sian neimageble miraklan efikon kompare kun
klasika akupunkturo konata kiel cxina akupunkturo.
Maldesktra
sxultro de la supre menciita pacientino tiel doloris sxin, ke sxi ne povis
suprenlevi sian brakon nek ecx dormi nokte pro doloro. Sed sxi povis facile
suprenlevi sian brakon tuj post mia unufoja akupunkturo. Kutime por kuraci tian
pacienton per gxenerala akupunkturo necesas pli ol du semajnoj aux per
okcidentmedicina rimedo pli longa tempo. Sxi plene resanigxis nur post mia
kvinfoja kuracado.
Mi donas
kelkajn ekzemplojn por komprenigi.
Estis
paciento kvindekjara. Lia dekstra palpebro tute kovris la okulon en du aux tri
tagoj pro perturbo de optika nervo. Ecx lia nigra pupilo flanken direktigxis
kiel tiu de strabulo kaj subite aperis simptomo de duobla vidigxo. Li do
vizitadis famajn okulistojn unu post la alia kaj fine rekomendite al operacio
venis al mi.
Nur mia
unufoja akupunkturo duone suprenlevis lian palpebron jam en la sekva tago. Kvar
aux kvin tagojn da kuracado lia palpebro plene resanigxis kaj en la sepa tago
lia pupilo revenis al sia loko kaj li jam povis normale vidi.
Estis
paciento sesdekjara, kiu suferis dikintestan kanceron. Cxirkaux kvin monatojn
post la operacio aperis la simptomo, ke li ne povis engluti mangxajxon tra
gorgxo, nek ecx trinki akvon. Fine oni faris truon en lia ventro por enmeti
mangxajxon. Li kun tia stato vizitis min.
Nur per mia
unufoja akupunkturo li komencis trinketi sukon aux lakton kaj post unu semajno
povis trinki cxiun trinkajxon kaj mangxi kacxon kaj post dek tagoj da kuracado
povis jam mangxi cxion.
Estis
paciento kvindekjara, kies oreloj konstante bruis. Li provis iel ajn kuracigi
tion kaj vizitis multajn klinikojn, sed vane. Tamen li spertis tujan
duonmalaltigxon de bruo post mia unufoja akupunkturo. Necesis nur unu semajno
por finkuraci lin.
Estis
junulo dudekjara. Li subite tordis sian lumbon kaj venis al mi sxultroapogate de
amikoj. Lia doloro estis tiel terura, ke li ecx mem ne povis kusxigxi en liton.
Tamen per mia unufoja akupunkturo li povis ellitigxi kaj klini sian kokson
antauxen kaj malantauxen. Tiu kuracefiko estis nekredebla por la malsanulo mem.
Li propraforte iris hejmen en admiro de la helpintaj amikoj.
Krom tio,
iu paciento suferis teruran kapdoloron pli ol du semajnojn kaj regule vizitis
klinikon de okcidenta medicino, sed la doloro persiste dauxris. Tamen gxi tuj
malaperis nur post unufoja akupunkturo.
Iu paciento sencxese singultis du
tagojn kaj liberigxis de tio per unufoja akupunkturo. Iu pacientino vekigxis
nokte kvar fojojn por urini kaj ne povis ja dormi. Post unufoja akupunkturo sxi
vekigxis nur unufoje kaj plene sanigxis post kvintaga kuracado. Tiaj ekzemploj
estas sennombraj.
Cxi cxiu
sukcesa kuracado atribuigxas ne al mia kuracista kompententeco, sed al mirakla
efiko de unika kompleksia medicino kaj kompleksia akupunkturo surbazita sur la
Saama akupunkturo, kiujn kreis koreaj elstaraj medicinistoj.
Ne estas
dubinde, ke gxis nun akupunkturo estas konsiderata nur kiel cxina akupunkturo
bazita sur tradicia cxina medicino. Sed vi nun renkontos per cxi tiu libro novan
kaj mirindan medicinsistemon, pri kiu eble vi neniam estis informita
antauxe.
Tio estas
korea unika kompleksia medicino, kiu originas el tradicia cxina medicino sed
formas novan medicinsistemon per tute alia teorio, kaj estas tia fierinda
kulturheredajxo, kiun Koreio povas elmontri al la mondo kune kun tekondo, korea
tradicia batalarto.
Vi lernos
ne nur pri la diferencoj inter tradicia cxina medicino devenanta de la antikva
Cxinio kaj tradicia korea medicino specife evoluinta en Koreio, sed ankaux pri
tio, kiel diversaj cxinaj antikvaj teorioj kritikigxas kaj malsame aplikigxas al
korea medicino.
Esperante,
ke korea unika kompleksia medicino kontribuos al la sano de la homaro
|
Antauxparolo
